برااااااافو يالمستقله ... براااااافو
صفقه من أعماق القلب على أداءكم في المسرحية الفكاهية الي صارت اليوم بالكلية ،
اللهم بس كان المفروض انحطكم بسيدي وانحط السيدي بالدفيدي ونعرضه بالشاشه الي يايبينها الجمعية :d
صـــــراحة ، أتوقع شاشات السينما بالعالم بانتظار فلمكم اليديد على الأداء القوي اليوم .
******
يؤسفني اني أقول ان بيان الانشقاق ما فيه سبب واحد يستحق اني أرد عليه !!
لأن الي يقراه راح يضحك !!
وكل شخص قرا بيان الانشقاق وما ضحك فأهوا لا يمت للعمل النقابي بصله ،
أنا ما راح أعلق على نص الانشقاق ، لكن بعلق على وضع الأخ خالد العنزي و والوضع بالكلية اليوم .
*****
أولا : وضع الأخ خالد العنزي :
أنا كعامل متحدون أقسم بالله العظيم اني من أول ما دشيت الكلية لي اليوم
ان خالد العنزي ما حضر ولا اجتماع متحدون !!
كان يصوت متحدون ؟ اي نعم كان يصوت متحدون التزاما مع قبيلته ،
انزين يا يبقى الصرح دامه ملتزم مع قبيلته ليش انشق ؟
هذا الجواب راح نعرفه لما نقرا الأسامي ببوستر المستقله السنه اليايه :)
والي صار مع عبدالعزيز البراك نفسه مع خالد العنزي
موقف طريف صارلي اليوم :
كنت قاعد باللوبي جان توصلي ورقة الانشقاق ، وكان يمي عامل مستقلة بسنة رابعه ، لفيت ويهي
وناديته بكنيته وسألته جدام عاملينهم وجم واحد من المؤيدين قلتله يا بو .... ، خالد العنزي كان عامل متحدون ؟
لما سألته مادري ليش حنجه طاح وتوهق من السؤال ، رد علي جاوبني قالي مادري !!!
جان أضحك ،
فرد عليي قالي أهوا بيي بعد شوي سئله .
ما أتوقع له داعي أعلق على هالموقف ، بس عاملين المستقله يمكن يجذبون على أنفسهم ويحاولون يجذبون على الطلبه ، بس أحنا لا ، صعبه عليهم ، أحنا وجدنا عشان نبين الحق من الباطل :)
******
الوضع بالكلية اليوم :
اليوم لما توزع البيان لفيت ويهي قلت أبي أشوف التعابير ، أطالع شباب المتحدون ولا كل واحد قاعد يضحك
ويسولف ويتغشمر ولا جنا صاير شي ( لأن الحمدلله أحنا ندري منو عاملين المتحدون )
أما المستقلة مادري شسالفتهم !!
كل واحد يطالع الثاني وساكت !!
حتى منسقهم ما كان موجود اليوم كله !!
هههه المصيبه ان كل واحد ماسك ورقة الانشقاق ويطالعها وبس ،
انزين سوو شي ! تحركوا ! روحوا حق الطلبه قولولهم شوفوا هذا منشق !! سووا دعايه حق الانشقاق !!
عيزنا وأحنا نعلمكم :s
ماكو فايده لو نسويلكم 17 دورة هم ما راح تعرفون تسوقون حق مصايبكم ومشاكلكم :)
بإذن الله
مستمــــــــــــــــــــــــــــــــرون
بمعقل القانون
طائفية وقبلية !
ردحذفتكسبات انتخابية !
حماس !
برامج ترفيهية !
اخوان مسلمين !
مسيّرين !
ترى ملينا نبي فلم يديد ;q
والله حالة .. صج مو عارفين شنو يسوون بعمرهم .. بس اللعبة مكشوفة و الحق مبين ..
ويحفظج الله يا " مـتـحــدون " .. كبيــرة و طول عمرج بتظلين كبيرة :)
حركة لا تودي و لا تييب .. خلونا نكمل و نستمر و بإذن الله مستمروووون بكليتنا ;)
عساك عالقوة أخوي
الله يقويج اختي ،
ردحذفاي واللـــــــــه ! نبي فلم يديد ملينا خلاص ، حتى الطلبه ملوا !! نبي أكشن قوي
هههه المستقله ما ايوزون من مسرحياتهم الفكاهيه
ردحذفبس والله زين حركو الجو شوي الكورس الأول كانو مختفين
زين صحصحو شوي وقامو يسوون أفلام وأكشنات
يمكن هذا الهدوء الي يسبق العاصفه ههههههه
انا اول مره اشوف هالعامل !!
مادري اهو عامل باج ولا يتلزق بالمتحدون مادري شنو بالضبط
والله العظيم اني قبل ما اقرا البيان أدري شنو
مكتوب فيه
حتى وحده من 2008 اهيا الي يابتلي الخبر من الجريده
أمس بالليل قتلها شوفي بدون ما اقرا بقولج الأسباب
مسيرين - اخوان - برامج ترفيهيه
هههههه
والأخ توه يكتشف ان احنا فينا كيت وكيت وينه من
زمان لحد يقولي الانتخابات قربت ;)
من الحين نقولك مبروك عليك المنصب اليديد
والمتحدون مو واقفه عليه
القافله تسيييييييير ......
و أهم شي زفة المعرس الي سووها اليوم باللوبي
ردحذفيعطيك العافيه اخوي قرار وصح لسانك بكل الي قلته
هههه
عجبتني نحط الفيديو بالشاشه ونعرضه
صحيح كان مؤيد بس عمري ماشفته اشتغل كعامل , اممممم بحكم 5 سنين حقوق لوول ,
ردحذفالمهم ,,
من الحين نقول لأخونا العزيز مبروك المنصب وعليك بالعافيه . بس ياليت لو حاط اسباب ثانيه غير هالاسباب اللي كل سنة نسمعها
ع العموم موووووفق بقائمتك اليديده :>
وبإذن الله يبقى الصرح وبإذن الله بثبات مستمرووون ^_^
الله يعينهم على نفسهم ماعليه هذي الحره وما تسوي لا تلومونهم :d ناس ما فازوا صارلهم 6 سنين ويدرووون ماراح يفوزون شتبونهم يسون يعني ..
ردحذفالله يكثر من حركاتهم هذي خل يونسونه شوي :)..
وبعدين مو الصقور ولا الحمامات اللي يهزهم انشقاق لا ما يصير وكيف لصقر يعتلي ان يلتفت نحو الحطام :d
اخوي اذا انت تقول عاملين مستقه يطالعون بعض وساكتين ، انا ابي اعرف الاخ المنشق ليش منزل راسه ومخترع !! مو منشق وبيرزونه ليش ما يرفع راسه !!
* اخوي ويبقى الصرح عندي سؤال اذا تسمح.. شنو موقف قبيله من انشقاقه؟؟ راضين عن اللي سواه !!
بنت المتحدون :
ردحذفعدل كلامج ، المتحدون مو واقفه ولا بتوقف على أحد : )
الله يعافيج ، حياج الله اختي
غير معرف :
ردحذفعجبتني بحكم 5 سنين :d
هذا اذا فازوا وخذا المنصب : )
مستمرون باذن الله
متحدونيه 05 :
ردحذفمنزل راسه لأنه توه يستوعب ان الي سواه مو لمصلحته أبدا !!
أما عن موقف قبيلته :
فتكتل الشمال وقبيلة عنزه بالتحديد اقعدوا مع خالد أكثر من مره قبل لا ينزل البيان و وضحوله ان انشقاقه على نفسه وان انشقاقه ما راح يأثر أبدا على توجه القبيله ، فقبيلة عنزه مع المتحدون ، وان انشقاقه غلط كبير وقالوله ان بيانه يضر القبيله ما راح يضر شي ثاني .
لكن الحمدلله قبيلة عنزه وتكتل الشمال منا وفينا وانشقاق خالد ما أثر على علاقتنا بقبايلنا لأن كلنا نكمل بعض .
يعطيج العافيه على سؤالج واذا في شي ما وضحته قوليلي عشان أوضحه :)
اذا انتو الشباب ما سووله دعاية انشقاق
ردحذفاحنا عندنا مستقلة 2008 اشتطو وقامو يمشون ويشرحون
النشره
شفت وحده منهم ماسكه النشره وتشرحها حق عامله من عاملاتنا 2008
جان اوقف يمها أبي اسمع وانا مبتسمه
جان تتبلعم البنت وتطالعني مخترعه !!
جان تغير الموضوع صار محور الحديث دستوري واصول هههههه
شكيت بروحي قلت شفيهما اخترعت لهالدرجه انا اخرع
ولا اهما مو واثقين من نفسهم
ترى حتى منسقتهم قاعده تسوي دعايه عن الانشقاق
بالكفتيريا
كيف لصقر يعتلي أن يلتفت نحو الحطام ؟!
الله يعافيك اخوي ومشكور كل شي واضح ،والحمدالله يعني اهوا باختصار فلس من كل شي P:
ردحذفويعطيهم العافيه تكتل الشمال وعيال بني وايل هذا العشم فيهم D:
بنت المتحدون :
ردحذفكفو والله ، هذي هيبة المتحدون الي نعرفها :)
والانشقاق ما أثر عالطلبه أبدا !! بس السؤال ، الطالبات تأثروا ؟؟ العاملات خالصين منها أهما يعرفون منو عاملنا فأكيد ما تأثروا بس الطالبات والمؤيدات ؟؟
متحدونيه 05 :
ردحذفالله يعافيج :)
أهوا من ناحية فلس ، الانتخابات اليايه الي بتحدد اذا فازوا !! راح يكون عضو !
والانشقاق عطانا دافع قوي للشغل
من ناحية المؤيدات انا مااشوف اي تغيير ..
ردحذفلان صوب الطالبات ماعندنا هالالتزام القوي مع القبيله، البنات يصوتون على اساس شغل القائمه او على اساس معرفتهم وعلاقتهم بالعاملات :)
الحمدلله ، الله يوفقكم ويوفقنا ويعطينا على قد نيتنا
ردحذفاللهم أرنا وطلبة وطالبات كلية الحقوق الحق حقا وأرزقنا اتباعه وأرنا الباطل باطلا وارزقنا اجتنابه
أهم شي لما نقول كيف لصقر يعتلي أن يلتفت نحو الحطام ..
ردحذفيتلفّتون يقولون : شنو يعني ؟
:q
على كثر ما يفلمون .. نتحمس :)
بالضبط ،
ردحذفأهما يحسبون كلامهم ضربات علينا فراح نطخ أو يقل حماسنا وبنتأثر ويبون يحسسونا ان بنخسر !!
بس مو أحنا الي نتأثر من هالكلام !
أحنا نأثر وما نتأثر ، أحنا واثقين من أنفسنا ونعرف شقاعد نسوي و وين ماشين
وكلامهم والله ثم والله ثم والله يخلينا نزيد شغلنا ونكرف أكثر ونسوي الي نقدر عليه والي ما نقدر عليه
:)
الحمدلله على كـل حال ..
ردحذفعموماً انشقاقه كان على حساب نفسه و المستغلة مو على حساب متحدون هذا أولاً
ثانياً ردة فعل الطالبات سواء من المؤيدات أو المحايدات و لله الحمد ما جت مثل ما يتمنون ؛) ..
بكلاس دولي عام عند الدكتور رشيد شعبة الساعة 12 >> عشان ماحد ينكررر هالشي ..
وحده من عاملاتهم عطت بنت محايدة ورقة الانشقاق جان تقطها و تقول بصوت عالي : " أنا شكو فيه أنشق ما أنشق اهو بكيفه شنو هالإنجاز اللي مستانسين عليه ترى عورتوا راسنا فيه " ؛)
هذي ردة فعل طالبة محايدة فما بالكم بالمؤيدة ؟
أنا ما أقول غير مستغلة اعقلــــي !!
زين تسوي فيهم :d
ردحذفبس صراحة بهاليومين جاي قاعد نشوف واااايد بنات داقين باجات مستقله !!؟؟
الله يوفقنا لكل خير
اي صح باجات المست-قله زايده هاليومين لكن يااخوي احنا مو بفترة انتخابات تونا بالكورس الثاني مو معقوله بنمشي ونوزع باجنا على كل بنت مؤيده لنا اولا باجنا عزيز علينا ومانعطيه الا للي يطلبه، لكن الحبايب توهم مشتغلين ومشتطيين مع قائمتهم الموقره فالوضع صاير العامله تمشي وتسلم وتعطي البنت باج وعادي باخر الدوام تلقى الباج مقطوط عالارض والا كراسي الممر p:
ردحذفيمكن في ناس ملاحظه عاملات متحدون هالاسبوع لابسين الباج ومستانسين لان اهما عارفين ان هالباج يغث بعض الناس .واكرر عاااملات مو مؤيدات ، لو بنمشي ونوزع باجنا مثل مايسون قله من الناس بتشوف باجنا منتشر p:
لا تحاتي ياخوي باذن الله بنات متحدون ناويين على ال200 لانهم خوات الرجال ومع اخوانا الصقور بنحقق بيعة ال1000 شدوا حيلكم والله يوفقنا D:
حره منو قالج محايده !!
ردحذفهذي البنت مؤيدة متحدون وائتلافيه بعد
بس اهيا حدها هاديه وما يطلع لها حس وفجأه اول مره
نشوفها ترد وتنفعل لأن الموضوع مامنه أييييي فايده
قلنا بتحطون الانشقاق بالجرايد وصورة الطالب المنشق وصورة الآي دي والرقم الجامعي واقرار واعتراف
حسستوني قاعدين بمرافعه جدام القاضي
زين ما يحطون الجنسيه والجواز بعد
بس كللش ماله داعي يوزعون نشرات
هههه ويقولون مو تكسب انتخابي
......
قرار على طاري البنات الي داقين الباجات ترى عاملات
مستقله 2008 مو هينين قصدي عددهم وايد
وهذا شي طبيعي مثل ما 2007 كانو تفجيييير ( اسم الله علينا )
دفعتنا دفعه متحدونيه تبرد الجبد
2008 دفعه مستقله
وترى مو كلهم عاملات في منهم حاطين الباج جذي كشخه
وستايل وهبه
اهما جذي 2008 شوي مشتطين اول سنه جامعه بعدين يطخون
يحليلهم الكتاكيت الصفر ;)
والمتحدون قائمه تخوف ما تخاف :)
اذا كان هذا الباج الي تلبسونه يغث بعض الناس ، هم في ناس يستاسون لما يشوفون هالباج :)
ردحذفقواكم الله ويمعتكم بالكليه وكلكم حوالين بعض وااايد حلوه وكل أحد يشوفكم يستانس ، بس لا تنسون التواصل داخل الكليه
وال200 انشالله انتو قدها ومو بعيده عليكم ، بس ال200 ما تيي صدفه وتيي بشغل ، وانتو قدها انشالله :)
من كثر ما الباجات طايحة بجبودهم تلقونها معلقة عالهدوم + الفايل + الجنطة + مدالية السيارة !!!!
ردحذفالديكور والشكل مو مقياس :)
بنت المتحدون :
ردحذفاذا تبون فرق ال200 صج !! اهني لعبتكم بدفعة 2008 تقدرون تكسرون أصوات وأسهل من التواصل ماكو ، اذا كانوا وايد تخلونهم شويه :)
عجبتني الكتاكيت الصفر :d
انتو عندكم كتاكيت صفر ، أحنا عندنا أرانب صفر :d
لعبتهــ(نَّ) مكشــووفة !
ردحذفيدخلون على البنات من ناحية أنا رفيجتج ..
و هالشي مهم عند البنات أعتقد أكثر من الشباب
أهدافهم منو ؟
البنت اللي ما عندها رفيجة فجأة يصير لها شعبية
و لها 5 رفيجات مقربات و يموتون فيها بظرف أسبوع واحد !!
يومين إلا اهي داقة الباج مو اقتناعاً بفكرهم بس مجاملةً لهم، و يومين ثانيين يرد عدد رفيجاتها يقلّ مرة ثانية لأنهم حققوا الهدف (( مجرد توزيع باجات )) !!..
و هالشي بإذن الله حمامات المتحدون قادرين يتغلبون عليه ؛) ..
=)
ردحذف" مــتــحدون "
كبيـــرة، ما توقف على أحد ..
وبإذن الله " مستمـــــــــــرون " .. ~
" كيف لصقر يعتلي، أن يلتفت نحو الحطام ؟ " ~
يعطيــكـ العاآاآافيــة أخوي ..
حره :
ردحذفحتى عندنا أحنا الشباب نفس الشي ، أغلب الشباب يصوتون عالعلاقات :)
السند :
باذن الل مستمرون :)
الله يعافيج اختي :)
أول شي شاكرلج سؤالج ،
ردحذفواجابتي ( لا )وهذا الشي لايمكن يصير ، الريال مو مقصر وقاعد يسوي الي عليه والي مو عليه والي يقدر عليه والي ما يقدر عليه ، و وراه رجال ما ينعدون بأرقام ، ينعدون بجبال ، وما في أي شخص بالقائمه فكر بهالتفكير !!
وهذي مجرد اشاعه يبون يلعبون فيها بنفسية العاملات!! وانتوا أكبر من انكم تتأثرون بمثل هالكلام :)
وانشالله باذن الل مستمرون ، وترى الكلام قالوا السنه الي طافت على نواف العيدان نفس الشي :)
اشاعات وكلام فاضي !!
الله يوفقكم ويسهل عليكم وفرق ال200 باذن الله بنشوفه كلنا :)
اخوي قرار منو قالك لعبو بنفسياتنا !!
ردحذفبالعكس هذي كانت نكتة الموسم
ويمكن جذبة ابريل بعد الله العالم هههه
احنا من ناحيتنا ما نشوف ان المنسق مقصر بالعكس
مسوي الي عليه وأكثر ويعطيه العافيه
والله يقدرنا عال 200 ويقدركم على انكم تخافطون على
صندوق الشباب
ترى هذا صندوق متحدوني وعلى قولة أحد قياديين
المتحدون لو تشيلون صندوق الزلم بتلقون تحته توقيع
صقور المتحدون
وعن الكلام الي انقال بموضوع اقالة المنسق بغض النظر
عن كونه اشاعه
نصيحه
انسو الخلافات الي بينكم و وحدو صفوفكم
صفو النوايا وصفو القلوب
ودايما حطو المتحدون جدام عينكم
حتى لو كانت بينكم خلافات انا متأكده انها مو أكثر
من خلاف اخو مع اخو مثل الي يصير بالبيت
تذكرو ان مهما صار بينكم يجمعكم حب المتحدون
ترى والله المتحدون ماتستاهل نبيعها علشان مصالح
ولا نضيع تعب الي قبلنا الي حفرو بالصخر علشان
يرفعون اسم متحدون
لولا الله ثم اهما جان ما قلنا نبيها 5 و6 و7
http://www.mostaqil.org/forum/showthread.php?t=15306
ردحذفهذا الجديد لديهم ..
نحتاج رد من قِبل عاملين المتحدون ..
لنعرف لو سُئِلنا أَ ننفي أو نبرر ؟! ..
أول شي : في بعض الردود أو التعليقات انمسحت بالغلط فأتمنى من أصحابها انم يعذروني ،
ردحذفأما علىالموضوع الي انكتب بمنتدى المستقله ، فالموضوع مو جذي !!
الي صار بالضبط ان المنسق كان واقف مع واحد من العاملين بروحهم مو بعض العاملين !! عامل واحد وكان صوتهم عالي شوي مو مد أيادي وطق !! وين قاعدين يهال ؟ كلن يرى الناس بعين طبعه !!
ورد الوضع طبيعي بدون تدخل جماهير مثل ما فلموا !!
ثاني شي على سالفة منسق التجمع ، منسق التجمع هم ما تهاوش مع بعض العاملين !! صار ملاسن بينه وبين واحد من العاملين فقط !!
خواتي ، ترى المتحدون أكبر من جذي ، أحنا عندنا مسؤوليات أكبر من ان نلتفت حقم ونحط عقولنا بعقولهم ونرد عليهم ، أحنا دورنا نخدم الطلبه واهما دورهم يلعبون بنفسياتنا !! بالضبط جنا واحد قاعد يبني بيت ويركب ويشتغل والثاني يحاول يخرب عليه بنيانه ، فلو هالعامل الي يبني بيلف ويهه وبيرد عليه راح يتأخر !! أما لما يعطيه ظهره ويشتغل أهوا الي راح تتعب نفسيته :)
أتمنى تسامحوني على الردود الي نحذفت بالغلط
أزال المؤلف هذا التعليق.
ردحذفاشسالفة الحوطي
ردحذفترى يوسف كاظم شاقكم بالوطن انشقاقات اولهم العنزي والي بعده الحوطي وما يندرى منو الياي
ياخوي هذي انشقاقات ديكور ، لا العنزي ولا الحوطي كانوا عاملين !!
ردحذفالحوطي الانتخابات الي طافت راحت عليه نومه وما صوت !! وكان معطي كلمه حق المستقله انه يصوتلهم !!
وبانتخابات 2007 صوت مستقله !! ولا عمره صوت متحدون أو حضر اجتماع !!
أنا أول مره اشوف عامل يشتغل سنه كامله عشان هالانتخابات وتروح عليه نومه وما يصوت :s
كليــة المتحدون :-
ردحذفمتحــدون ما بقى لنا إلا شهرين و الكل عارف انه الحيـن اضغط يبلش فماراح يضركم أي وحدة تبي تلخيص .. مذكرة .. تروحين معاها عند الدكاترة تخلصين شغلها .. واحنا هني متحـدون و على قلب واحد انشالله و الكل قاعد يشتغل و يبذل الأسباب أما النتيجة على الله .. الله اهوا اللي أعلم بالنفوس و النيات آنا عندي قناعة فوزنا ما يا عن عبث إلا إن الله راضي عن شغلنا حياتنا كلها مسيرة بايد الرحمن ز مادام مخلصين النية له .. احنا فايزين بالصندوقين إنشالله و راح نييبها 7 .. وصدقوني صدقوني الهــــمة و الشــطة اهيا اللي راح تييب الصندوقين مو الهذرة و القرقة لمن تنسون انه صج في ملاسن ومالكم شغل فيهم شنو صار و شنو قال كل واحد بملكيته الخاصة لا احد يقولكم صار جذي و جذي تصدقونه انا وحدة من الناس صدقت و سألت بس الغلط مني أنالأنه قاعد يعطلني و و قفني و خاذيت عبرة كل واحد بملكيته الخاصة ..
و اللي يقرا اللي آنا كاتبته يبتســم :d:d
أبيكم تشقون الحـــلج و تضحكـون ،و السنة الياية متحدونيـــــة حتى النخاع ;)
و هيااااااااااااااااااااااااااااااااااااااااااا
متحدوووووووووووووووووووووووووووووووووووووون
اننا ههنا .. و النصر حليفنا .. وعد قطعناه .. معقلنا لا لن يزول .. (صرح النصــر قد صنعنـــاه) أنا زلزال الحقوق
مشكوره اختي نبهتيني :)
ردحذفولو اني ما اشوف ان الكلام الي انذكر صحيح تماما
كافي ان بحشد الائتلافيه الي صار بالاجتماعيه بحضور 65 عامل متحدوني :)
******
كليةالمتحدون :
هذي الابتسامه :) D:
(قاوم) من عاد لنا دينا
(واسحق)ذلا يحتويـــــنا
(واروي)قصة المجد فينـا
بأننا ملكنا عريـــــنا
معقلنا لالالالالالالالالالالالالالالالالا لن يزول
ردحذفهيييييييييييييييييييييييا متحدووووون =")
ردحذفيحليلهم الكتاكيت مستنفرين و يحوسون على أي شي .. بس مو عارفين شغلهم بالضبط XD
يا رب ..
يا رب ..
يا رب ..
اكتبها لنا سبعة وثمانية و تسعة و عشرين و مليووووووووون و للأبد =")
ترى اللي يتوكل على رب العالمين ويبذل الأسباب راح يفرح بنتيجة عمله و أهم شي يخلص النية .. شغل بدون نية ما ينفع
يا رب تفرّح قلوبنا و تهون علينا كل تعب و تنصرنا و تديم معقلنـا =")
ودنا بموضوع يديد حمااسي :)
يعطيك العافية ..
يا رب
ردحذفانت عالم بالنيات .. وعالم بالأفعال .. وعالم بما قيل
ويقال
اللهم انصرنا ..اللهم انك لا تضيع اجر من احسن عملا
اللهم ملكنا قلوب الطلبه والطالبات
اللهم ارهم الحق حقا وارزقهم اتباعه
وأرهم الباطل باطلا وارزقهم اجتنابه
اللهم عوضنا عن كل صوت نخسره ب10 أصوات غيره
اللهم ارزقنا الفوز
واذا مو علشان شغلنا علشان
حسن نيتنا تجاه الطلبه وصفاء قلوبنا
والله العظيم ان المتحدون يستاهلون الفوز
مو عن الشغل ولا التواصل ولا الكثره
لكن احنا ناس نيتنا صاااافيه ولعبنا نظيف
كل يوم يزيد فخري اني متحدونيه
وأحمد ربي اني بهالمكان وتحت هالرايه
متحدون ..
المستقله كانت في اضعف حالاتها بعد فوز هالسنه
وصدمة صندوق الشباب الي رد لأهله والحمدلله
والحين 2008 اهما الي ردو فيها الروح مره ثانيه
كانت تحتضر والحين بدت تتشافى شوي شوي
متحدون
تبون السنه اليايه ندش اللوبي كله أزرق وأصفر
جنه محلات ايكيا !!
تبون ندش اللوبي ونشوف عاملين وعاملات مستقله
مكتسحين !!
( تذكروا يوم المقابله الشخصيه )
تبون ندش من الأبواب الجانبيه ومن الكلاس لي الكفتيريا
لي البيت
تبون باج الجمعيه يصير جنه كبوس عرقوز !!
تبون يصير اسمنا قـــائــــمه
واسمهم جمعيه وجهه رسميه !!
ما نسوي برامج ولا فورمات ولا ندوات
لا والله ما نبي
وحرام تعب 6 سنين يضيع بيد كتاكيت توهم داشين الشغل
متحدون شدو حليكم ما بقى شي
احترقو علشان متحدون كلها جم يوم ونقول
تسكرت الصناديق ..
ومتحدون يا غالب يا مغلوب
قال ابن عباس رضي الله عنه : كنت خلف النبي -صلى الله عليه وسلم- يوما فقال لي: ياغلام اني اعلمك كلمات احفظ الله يحفظك احفظ الله تجده اتجاهك اذا سألت فسأل الله واذا استعنت فاستعن بالله واعلم ان الامه لو اجتمعت على ان ينفعوك بشيئ لم ينفعوك الا بشي كتبه الله لك وان اجتمعوا على ان يضروك بشي لم يضروك الا بشيئ كتبه لاالله عليك ر فعت الاقلام وجفت الصحف.
ردحذف" قبل شوي وصلني هالمسج من وحده من العاملات وجد لما قريته حسيت ان احنا اقوى من كل الظروف وماراح يصير الا الي الله كاتبه"
صقوور وحمامات المتحدون احنا اللحين قاعدين نمر بظرووف حييل صعبه ، بس ان شاءالله احنا قدها وكل شي خيره لنا وباذن الله اذا اخلصنا نيتنا وتوكلنا على ربنا بنفوووز بالجمعيه والله ماراح يضيع تعبنا ..
خلونا نشتغل اكثر ونحب متحدون اكثر عشان ليه صكت الصناديق وطلعت النتايج نحس كلنا بطعم الفوز والاكتساح :)
متحدون اشتغلوا عدل وقبل كل شي صفوا النية وإنشاالله الجمعية متحدونية وتأكدوا إن الطلبة والطالبات ما يبون غير المتحدون وتأكدوا إن إللي الله كاتبة بيصير..
ردحذفومتحدون يا جبل ما يهزك ريح
عهدا علينا ما بقينا..
ألفا تأتينا أو نأتيها ..
هيااااااا متحدووووووون
الحمدلله :)
ردحذفاستقالة المهدي نفعها طلع أكبر من ضررها :)
الحمدلله :)
راح نكتب موضوع يديد عالاسبوع الياي بتباشير وأخبار حلوه باذن الله
ويوم الأحد موعدنا يالمستقله
بسرعة يزاك الله خير :)
ردحذفالله معاكم يا المتحدوووون ..
بسمـ الله الرحمن الرحيم
ردحذفعلى كل الصعاب بقاؤنا على كل الصروف على الظروف
سنبقى ها هنا بسمائنا شموس يستحيل لها الكسوف
يقال أن في زمن من الأزمان كان في عبد صالح مؤمن بربه، وواثق فيه ثقة كبيرة .. عايش بقرية جوها بديييع والأمطار ما توقف عندهم والخير من كل صوب يوصلهم ..
بس في فترة من الفترات وقف المطر عنهم .. وتبدل حالهم .. فقرروا إنهم يصلون صلاة الاستسقاء ..
العبد الصالح صاحب قصتنا لمن راح يصلي .. أخذ معاه مظلة " شمسية " ..
يمكن تقولون ليش .. ؟
لأن " واثق من ربه" .. !
وواثق إنه لمن يسأل ربه بنية خالصة وصافية .. الله ما راح يرد دعاءه ..
إذا ضاقت عليك الأرض بما رحبت وضاقت عليك نفسك بما حملت ، فاهتف : يا الله.
ولقد ذكرتك والخطوب كوالح ... سود ووجه الدهر أغبر قاتم
فهتفت في الأسحار باسمك صارخا ... فإذا محيا كل فجر باسم
متحدون .. أي ضربة اتييلكم صدقوني هذا ابتلاء من رب العالمين ..
لازم نراجع نفسنا شوي .. ونجدد النية ونشتغل بحماس وهمة أقوى وأقوى من قبل، ونوحد صفنا
متحدون .. الضربة اللي ما تكسركم .. تقويكم..
وعليكم بالدعاء والاستغفار
(إن الله حي كريم يستحي إذا رفع الرجل إليه يديه أن يردهما صفرا خائبتين)
لازم تكون واثقين بربكم هذا أول شي .. وبقائمتكم وبنفسكم .. لأن الواقع ماراح يتغير وراح تظل نظرتكم سوداوية وكلها تشاؤم إذا انتوا من داخلكم ما آمنتوا بالتغيير وبأن لن يصيبنا إلا ما كتبه الله لنا
ماراح نلتفت لأي شي وبإذن متحدون جبــــــل ما يهزها ريح..
صدقوووووني
" خيـــــــــــــــــــــــــــره "
والحمدلله على كل حال
نبي نشتغل بحماس أكثر ونقولهم :
لسنا ممن ينزلون .. نحن في عاااااااالي الجبل
هيــــاآاآاآاآاآاآا متحدووووون .. =)
وسامحوني عالإطالة .. ~
قال أحد السلف : ( ما من شدة إلا و خلالها ألطاف , لكن الغافل قلّما يلاحظ ذلك ) .
ردحذف=)
طريق الوصول إلى النجاح و الفوز صعب , فـما بالكم بالمحافظة على القمة ؟
و عندي يقين , بأني ما دمت أحمل الحق بين جنبيّ و أخلص نيّتي و أبذل الأسباب .. فلن يخيبني الله =")
ما حصل و ما سوف يحصل ---> كله خير لأمرنا =)
يقول الرسول صلى الله عليه وسلم : ( عجباً لأمر المؤمن, إن أمره كله خير ,و ليس ذاك لأحد إلا للمؤمن , إن أصابته سراء شكر فكان خيراً له , و إن أصابته ضراء صبر فكان خيراً له ) .
رُزقتم التوفيق و السداد =)
الصراحة انا ما اشوف ان في ظروف صعبة تمر فيها القائمة !!!
ردحذفالانشقاقات والاستقالات والحملات ... الخ
محد يهتم فيها الا العاملين , سواء عاملين مستقلة او متحدون
وباجي الطلبه ما همهم شي , السنة الياية يصوتون حق ربعهم !
فشدو حيلكم بالعمل الاجتماعي
للأسف هذا حال الأغلبية , ولو في احد راح يتأثر عددهم راح يكون قليييل جداً, صح هذي سلبية بالطلبة وتدل على قلة اهتمامهم بالانتخابات , ولكن سلبية تفيدنا بهالفترة D:
فلاتحاتون وايد محد يقرا المنتديات والبلوقات واوراق الانشقاقات غيرنا
وصدقوني بتخلص السنه واتيي الانتخابات اليايه ونص الكلية ما تدري ان امين الصندوق استقال
خصوصا الطالبات
الله يسـهل عليكم ..
ردحذفلربـما ابتـلاء ..
فاحتسبـوا الأجـر ..
آن وقت الاتحاد الحقيقي يا متحدون .. فلتتساوا الصفوف و ليشـتد العزم بهمم تناطح السـحاب ..
اخلافكم براي .........
ردحذفالسنة الجاية خطيرة وراح تشوفون ....
خالد استقال لاسباب عديدة منها محد يحضره اجتماعات او يدز له مسجات عندي كشف غياب الحضور بالاجتماعات خالد العنزي حاضر اكثر من 22 اجتماع ولا مو مصدق يجيني واوريه كشف الغياب والحضور وشنو موضوع الاجتماع
واللي يطيح بحرج يرق باي كلمة على لسانه ,,,,
قرار ,,, عليك كفارة ثلاث ايام ....
وخالد طاح بمشاكل بالدراسة والسبب بعض الناس ولا احد ساعده. وقف قيده ولا احد سال عنه ,,, يعني اهو انسان وعنده عقل يعرف منو يسال عنه ومنو يركض وراه حق مصلحة ,,,,,,,,,,و
السنة الجايه باذن الله سقوط المتحدون ,,,,,,,,,,,
لان الكل ما قاعد يشتغل صح ,,, اهملتوا كثير اس
نا سال اكثر من طالب مستجد ودقعة 07 هم رايه نفس راي
والايام بيننا .............
جراح الردعان ..........ز
لا اخوي جراح انا اخالفك ..
ردحذفالمتحدون ماقصرو .. اشتغلو طول السنه وشايلين الطلبه والطالبات بعيونهم وماقصرو مع احد ..
بالنسبه لخالد العنزي .. انا ماانكر معرفتي فيه .. لكن عمري ماشفته بإجتماع لقائمة المتحدون .. بس شفته بيوم الانتخابات داق باج متحدون ..
وبعدين اي مشاكل دراسه اللي طاح فيها ؟؟
اذا كان انشقاقه صار بالكورس الاول .. بوقتها مافيه امتحانات وفاينل !!
أخوي جراح اسمحلي .. شوف بوستر المستقله وبتعرف ليش سوو هالمسرحيه ..
ومن الحين اقولكم .. وعـــد .. إن الحقوق معقلي بإذن اللـــه .. ونبيها 7