يوجد هناك تحديث بالأسفل ( صور من خلف الستار )
بسم الله الرحمن الرحيم
أول شي نحمدالله على سلامة كل من رافقنا بهالعمره الجميلة ونقول لهم تقبل الله طاعتكم ،
وانشالله تكونون وكنتم بقمة الاستمتاع بالسفره ،
أنا صراحة عن نفسي أشوف ان هالعمره قويه واااايد و وااايد استانست من كل النواحي ،
فأشكر الله على هالسعاده الي زرعها بقلبي ،
وأشكر أخواني في ادارة السفرة الي صراحة أمتعونا بادارتهم الراقيه والي خلت القروب مرتاح من اول السفره لي نهايتها :
1- محمد الكندري (رئيس الوفد )
2- يوسف الهاشمي (نائب رئيس الوفد )
3- أحمد الكندري (مسؤول المطار)
4- فهد الربيعي (مسؤول اللجنة الاعلامية )
5- خالد الكندري (نائب مسؤول المطار )
6- سالم الشطي ( اداري )
وجميع الاخوان العاملين في القائمة الي كانوا موجودين بالسفره ،
كانت في أحداث ومواقف قويه بالسفره ومضحكه و و و الخ ،
بس انا أفضل اني أحط بعض صور السفره الي صورهم أخوي حسن الملا ، لأن الملاحظ القوي ،
يقدر يعرف كل شي بالسفره من ويوه العاملين : )
******
هذا أخونا محمد الكندري ، وين ماتشوفه بالسفره تلقاه ماسك كشف ، يجيك عالجوازات ، يأكد عالتذاكر ، صراحة كان قد المسؤوليه
أول شي نحمدالله على سلامة كل من رافقنا بهالعمره الجميلة ونقول لهم تقبل الله طاعتكم ،
وانشالله تكونون وكنتم بقمة الاستمتاع بالسفره ،
أنا صراحة عن نفسي أشوف ان هالعمره قويه واااايد و وااايد استانست من كل النواحي ،
فأشكر الله على هالسعاده الي زرعها بقلبي ،
وأشكر أخواني في ادارة السفرة الي صراحة أمتعونا بادارتهم الراقيه والي خلت القروب مرتاح من اول السفره لي نهايتها :
1- محمد الكندري (رئيس الوفد )
2- يوسف الهاشمي (نائب رئيس الوفد )
3- أحمد الكندري (مسؤول المطار)
4- فهد الربيعي (مسؤول اللجنة الاعلامية )
5- خالد الكندري (نائب مسؤول المطار )
6- سالم الشطي ( اداري )
وجميع الاخوان العاملين في القائمة الي كانوا موجودين بالسفره ،
كانت في أحداث ومواقف قويه بالسفره ومضحكه و و و الخ ،
بس انا أفضل اني أحط بعض صور السفره الي صورهم أخوي حسن الملا ، لأن الملاحظ القوي ،
يقدر يعرف كل شي بالسفره من ويوه العاملين : )
******
هذا أخونا محمد الكندري ، وين ماتشوفه بالسفره تلقاه ماسك كشف ، يجيك عالجوازات ، يأكد عالتذاكر ، صراحة كان قد المسؤوليه
كفو يا بوحسن ، والي يمه فهد الربيعي هم أبدع بالمهام الي عليه ، قواكم الله
من اليمين : أسامة العبدالغفور ، حسن الملا ، عبدالله الحمادي
(لاحظوا الحرم شلون فاضي )
هذا أخونا يوسف الهاشمي قواه الله عالشغل المرتب ، تأكد من كل غرفة قبل لا يوصل القروب
أحمد الكندري قبل لا يعتمر
أخوانا في ادارة العمرة
وأختم الصور بهالصورة الجميلة الي اقتطفتها عدسة حسن الملا وأحنا راكبين التاكسي رايحين مطعم البيك
من كثر ما هالاسم قوي ويهز ، الكل قام ياخذه ويحطه حق مشاريعه :d
********
بالنهاية والختام ، أدري اني بديت بالشكر ، وهم الحين أكرر شكري للاداره وأزيد الشكر دبلات لجميع القروب من أخوات وعايلات لأنهم كانوا جدا جدا متعاونين مع الادارة وهذا الي ساعد على نجاح السفره
وانشالله باذن الله العمره السنه الياية تكون بقيادة جمعية القانون الي تقودها المتحدون لسابع مره : )
********
صور من خلف الستار :
أول شي أتمنى ان الشباب يسامحوني على هالصور ، وانشالله نمون عليهم :d
*******
قروب البنجابي كان له طعم حلو بالسفره ، بوصالح صرف ريالات و وزع عليهم
قروب سمو عمرتهم ( لك دكورتي ) أول مره أشوف أوادم يصورون بين الطواف والسعي ، ياحبهم
حق الصور والدكوره
كنا باجتماع بالسفره
أختم التحديث بهالصوره ، واذا الشباب ما زعلوا بنطلع باجي الصور : )
كلمة حق .. يزاااااااكم الله خير عالتنظيم و المجهود الطيب اللي بذلتوه في إدارة الرحلة و ترتيبها ..
ردحذفصج صج كنا مرتاحين .. الحمدلله ..
و هالعمرة من أحلى العمرات اللي اعتمرتها =) " صعبة الجملة :q "
لها ذكريات حلوة و ما تنّسي ..
يعطيكم ألف عافية ^_^
الله يعافيج اختي :)
ردحذفهذا كان هدف الشباب ، انكم ما تنسون هالعمره :)
في البداية اشكر كل من ساهم في انجاح هذه الرحله سواء كانوا اداريين او عاملين من دون ذكر اسماء لان الكل كفى ووفى وجزاهم الله خير على سعة صدرهم وطول بالهم مع الكل سواء في المطار او في الفندق وشهادة حق تقال ان هذه العمرة كانت ناجحة من جمييع المقاييس ولو ان البعض كان يشتكي من الفندق والبعد مابينه وبين الحرم ولكن كما قال الشاعر : واذا جاء الحبيب بذنب واحد جاءت له محاسنه بألف شفيع.
ردحذففالتعامل الراقي والابتسامه الدائمه والتنظيم الممتاز كل هاذي الامور انست الجميع سلبية الفندق.
فشكرا من القلب لا من الفيه من لايشكر الناس لاخير فيه.
واشكر زملائي المشاركين لي في الغرفة او في رحلتنا الماراثونية الى مكه لانهم وبصراحة نعم الاخوان والاصحاب
فصحبتهم طريق للسعاده ورؤيتهم سبب من اسباب انشراح الصدر فقد كانوا لي اخوانا وعلى الخير اعوانا ومهما تكلمت عنهم فلن اوفيهم حقهم فهم كما قال عمر بن الخطاب : ما اؤتي رجل بعد الاسلام خير من اخ صالح.
وفي الختام اسأل الله العظيم رب العرش العظيم ان يتقبل منا عمرتنا وصلاتنا وصالح اعمالنا وان يوفق القائمين على هذه الرحله الى مزيد من النجاح والابداع في المرات القادمه.
ملاحظه بسيطه ، أحد الاخوان سألني قالي ليش ما كتبت أسامي باجي العاملين الي اشتغلوا ؟؟
ردحذفأول شي هذولي الي انذكرت أسماءهم اشتغلوا من قبل السفره واهما يكرفون ويتعبون وما ارتاحوا لين وصل الوفد ككله الكويت ، أما باجي العاملين كان لهم دور في نجاح السفره ودور كبير بعد ، اشتغلوا ، لكن بس في أثناء السفرة ، وانا شكرتهم و وجهتلهم شكر ، مع العلم ان انا سافرت العمره وما ذكرت اسمي مع العاملين ، لأني اشتغلت بس بالسفره : )
تحياتي لكل العاملين
هلا لا عاد :
ردحذفصراحة كانت رفجتك لي بهالسفرة أحد أسباب نجاح السفرة بالنسبة لي :)
الله يتقبل منك ومن كل القروب
قواكم الله تمنيت اني اكون معاكم :)
ردحذفيعطيكم العافيه كانت فعلا عمره مميزه عن الاعوام السابقه،، وفعلا رديتوا ثقتنا بشبابنا اللي كانوا قد المسؤوليه ، واحنا فخورين فيكم ونتمنى لكم التوفيق بمستقبلكم ودراستكم والله يجزيكم خير ويجعلها بميزان حسناتكم .
ردحذفتقبل الله طاعتكم
ردحذفالحمدالله عالسلامه وتقبل الله طاعتكم ..
ردحذففعلا كانت احلى عمره واحلى سفره بحياتي ، استمتعت بكل لحظه فيها ، مرت الايام الاربعه بسرعه وما حسينا فيها ماكان ودنا تنتهي هالسفره :(
والفضل يعود لالله سبحانه ثم شباب جمعية القانون اثبتوا انهم صقوور وانهم رجال بمعنى الكلمه ، جهدهم وتعبهم كان واضح للكل ما قصروا سهلوا كل شي علينا وريحوونا حيييييييل :)
واخص بالشكر اخواني محمد الكندري ، احمد الكندري ، خالد الكندري وعمر الملا ويوسف الهاشمي.
العثمان :
ردحذفالله يقويك يالخوي : )
انشالله السنه اليايه تيي معانه :d
أم أحمد الصقر :
ردحذفهلا أم أحمد ، مشكوره على هالكلام الحلو وما قصرتي :)
متحدونيه 05 :
ردحذفالله يسلمج ومنه ومنج صالح الاعمال ، ما قصرتي اختي :)
ردا على اختي متحدونية 05
ردحذفالشكر لله ثم الى كل من عمل لأجل راحة زوار بيت الله الحرام اهم شي ادينا نافلتنا وأضفنا ملف في سجل ذكرياتنا دائما راح يحضر في ذهنا الى ما شاء الله ابهالسفرة عرفت معادن الكثيرين واتوقع انه هذا من اهم الأمور الي نستفيدها صداقه تأسست بطاعة الرحمن وأتمنى اني اكون مع اخواني من السبعه الذي يظلهم الله في ظله يوم لا ظل الا ظله
المتحدون مستمرون بإذنالله
السلام عليكم ورحمة الله وبركاته ..
ردحذفأود أن أتقدم بالشكر الجزيل لكل من ساهم في إنجاح هذه الرحلة ,
استمتعنا بالتنظيم واستفدنا من الرحلات , وعدنا دون أي ما يعكّر صفو رحلتنا
جزاكم الله خيرًا كثيرًا على كل ما بذلتم من جهد
بارك الله فيكم يا المتحدون
ردحذفو زادكم الله رفعة و هدى
لا اعتقد انه من اللائق ان تذكر احد الاخوات اسماء الاخوة .. من الافضل لو شكرتهم بشكل عام كـ جزا الله القائمين على الرحلة خيـرا
بارك الله فيكم جميعا
و جمعنا و اياكم على سرر متقابلين
لو سمحت اتعدل مو تاكسي باص بو ريال
ردحذفايلاف :
ردحذفوعليكم السلام ورحمة الله وبركاته :)
شكرج وصل بارك الله فيج
بوسالم :
ردحذفالله يبارك بعمرك :)
بس انا ما اشوف فيها اي مشكله ، اهي تكلمت عنهم بالخير ومن لايشكر الناس لايشكره الله
أجمعين يارب
بوصالح :
ردحذفلا طال عمرك ، لما صورنا كنا راكبين تاكسي
لووول واحنا رادين ردينا بالباص ، ظحك مووو صج
لااااا والشباب لابسين بنجابي بعد
اخوي بوسالم ..
ردحذفجزاك الله خير وما قصرت على نصيحتك ..
العمره ممتازه ورائعه بكل المقاييس
ردحذفنشكر القائمين عليها جزيل الشكر
ونقول لهم يزاكم الله ألف خير
والصور روووووووعه يعطيك العافيه اخوي قرار
أما البنجابي لا تعليييييييق
تقبل الله طاعتكم=)
ردحذفويعطيك العافية اخوي على التغطية ....
عاليا متحدون :
ردحذفالله يعافيج اختي ، وانشالله تكون العمره السنه اليايه أقوى اذا الله سهل : )
البنجابي هذا بروحه يبيله موضوع أكتب فيه وصور خاصه :d
متحدونيه منا وفينا :
ردحذفمنه ومنج صالح الاعمال ، الله يعافيج : )
تقبل الله طاعتكم
ردحذفويعطيكم العافية بميزان اعمالكم ان شالله ..
زين الحمدالله مو بس احنا اللي نمشي ونصور :d
ردحذفمابقى مكان ما صورنا فيه ،استغفر الله كنا راح ننطق :d
اما البنجابي مو صج ، العام الشباب سوو نفس الحركه شكلها صارت عاده عند شباب متحدون D:
انشاءالله ماتحط الصور كلها
ردحذفصدقني افتحلي بلوق وحط صورك بس
وسويلي تصويت على احلى صورة لك بالعمرة
:bbbbbbbb
بوصالح :
ردحذفاي جرب ، عشان أغير اسمل البلوق هذا من (ويبقى الصرح) لي بو صالح ، ونشوف منو صوره أقوى :d
متحدونيه 05 :
ردحذفلاااا التصوير كان شي ثاني بالسفره ، كنتوا بتنطقون ، أحنا نطقينا وخلصنا :d
انشالله نغيرها السنه اليايه ، دشداشه اماراتيه وعمامه عمانيه ، وتكرمون نعال نيديه (كوكتيل)
بس انشالله تطلع حلوه D: عالأقل شي زقرتي مو بنجابي :s
LoL iBdaaa3 , el.banat solfaw 3n el. 3umra o wayed shawegoony 3laiha
ردحذف:)
Ta8abal Allah 6a3atkom , o ensha'allah kil sena tro7oon wentaw fr7anen eb.Fouzkom
لكم القرار :
ردحذفمنه ومنج صالح الاعمال : )
غير معروف :
ماقصرتي اختي ، شاكرلج مرورج : )
يزاكم الله خير .. وبميزان أعمالكم الصالحه ان شاء الله
ردحذفربي يتقبل منكم صالح أعمالكم ودعواتكم
وبانتظار باجي الصور اذا ما زعلو الشباب ;)
اخونجيه - اصلاحيه - حدسيه
ردحذفالله كل هذا خلاص تستاهل يا بو خلي اطلعت من الربع ؛)
منا او منج صالح الاعمال
انشاءالله ماتفضحني بس انا كمل عالباجي اخلص عشان اتصير زعلة جماعية الدعوة خاربة
بداآاآيـة،، الحمدلله عالسلامة، وتقبل الله طاعتكمـ..~
ردحذفيعطيــكمـ ألف عاآاآفيــة..
عسى الله يكتبلكمـ نصيب من أجر كل معتمر ..
وياآاآرب يسهل عليكمـ في الدنيا والآخرة مثل ما سهلتوا على الطلبة والطالبات أداء العمـرة ..~
وإن شاء الله عمرة الجمعية القادمة تكون بقيـادة الجمعية المتحدونية .. ~
=)
السلام عليكم و رحمه الله و بركاته..
ردحذفيعطيكم العافية و إن شاءالله في ميزان حسناتكم .. و بإذنه تعالى تستمر هالعمرة لمده سنوات و سنوات جدّاام .. و نبيها ألف! :D
أخوي ما عليك أمر ..
ممكن أستخدم بعض الصور لوضع تغطية في منتديات مستقل . أورغ؟ :)
قواك الله ..
اختك،
كبك كيك
السند :
ردحذفمنه ومنج صالح الاعمال ، الله يعافيج : )
شاكرلج متابعتج
كب كيك :
ردحذفوعليكم السلام ورحمة الله وبركاته : )
أجمعين يا رب
على راحتج اختي اخذي استخدمي الصور الي تحتاجينها (بس صورة البنجابي واخونا بوصالح واهوا نايم صعبه شوي وما ودي يزعلون عليي )
شاكرلج مبادرتج وانج سألتيني قبل لا تستخدمين الصور وهذا يدل على أخلاقج ، قواج الله :)
كب كيييك تغطيتج وايد حلوه بمنتدى مستقل
ردحذفزين محد انتقد لووول
اخوي قرار يفضل انك تاخذ راي الشباب قبل ما تحط
الصور
علشان ما يزعلون ويحطونها براسك بعدين
خصوصا ان في ناس تحب تتشمت وتحب الفضايح :/
وبانتظار باجي الصور ان ما كان فيها فضايح :)
يعطيكم العافية
ردحذفوايد يمدحون عمرتكم
وهاذي مقالة الدكتور عصام الفليج عن رحلتكم
http://www.alwatan.com.kw/Default.aspx?tabid=223&article_id=486044&AuthorID=1208
نشكر ضيفنا الدكتور عصام الفليج على هالمقال الجميل
ردحذفونوجه له تحيه اهو وعايلته الكريمه على تشريفهم لنا
في الرحله
:)