في وسط ساحات أرض صالة التسجيل mtc
صادفت اثنين من عاملين القائمة المستقلة المنتقلين الى الفرقة الرابعة !!
بعد أن ألقينا التحية على بعضنا وسأل كل منا عن أحوال الآخر ، دار بيننا حوار وددت أن أنقله لكم
( ع.م1 = عامل مستقله الاول ، ع.م 2 = عامل مستقله 2 )
ع.م 1 : أووووف حر مووو صج ، مشكله الي ايي الصاله مجاملة !!
قرار : أفاااا يااا ع.م شهالكلام الي تقوله !! ترى الي يجامل ما يفوز !!
ويرد علي ع.م 2 يقول : ما تدري يا قرار يمكن ايي الفوز صدفة !!
قرار : لا لا لا يا ع.م !! مااا أصدق ، وصلت فيكم الحالة انكم تنطرون الفوز صدفة !!! يالله ما عليه ما ألومكم
بس ترى الي يعتمد عالصدفة حتى لو فاز( يبقى خسران )
( هذي كانت المقدمة وبعد هالكلام تعمقنا شوي بالكلام و وصلنا لي موضوع الصناديق )
قرار : ها جني أشوفكم رديتوا تحلفون مثل كل سنة على الفوز ؟؟!!
ع.م : والله يا قرار اذا تذكر بـ07 الصندوق كان لنا ، فكنا شبه فايزين
قرار : آهاااا يعني أفهم من كلامك انكم السنه اليايه بتفوزون ؟؟
ع.م : شوف يا قرار ، صندوق الطالبات أنا من الحين أقولكم ( مبروك عليه ) ، أما صندوق الطلبة هذا الي نتنافس عليه !!
قرار : آهااا يعني انتوا الحين مو قاعدين تنافسونا عالجمعية !! قاعدين تنافسونا على صندوق !!؟؟
( وها قد أعلنت المستقلة إفلاسها من صندوق الطالبات بينما البنوك تعلن افلاسها من المال )
******
لم ينتهي الحوار الى هذه النقطة ، وبإذن الله سأنقل بقية الحوار في البوست القادم ، لكن أخواني وأخواتي
عاملين وعاملات المتحدون ، أخواننا في المستقلة قد باركوا لنا نصف الفوز ، فيجب عليكم أن تردوا لهم بالدعاء
قائلين : اللــــــــــه يبارك فيـــــــــــــكم :)
مصحوبة بإبتسامة على شكل رقم 7 (شلون لا تسئلوني )
بس حاولوا تسوونها
